Hezkuntza ez formalean eta astialdian, hezitzaile zereginetan aritu nahi baduzu Amaia Zetroko  Begirale ikastaroan behar duzuna aurkituko duzu! Euskaraz jasoko duzu balioetan oinarritutako trebakuntza; feminismoan, parte hartzean, aniztasunean… Beti ere metodologia parte hartzaileak erabiliz, lagun arteko giroan eta behar beste baliabide eskuratuz. 

‘Zergatik eta zertarako euskaldun? egitasmoaren barruan euskararen egungo egoerari buruzko hitzaldia eman zuen otsailaren 28an Iñaki Iurrebaso soziologo eta UEMAko ikerketa teknikariak (Legazpi, 1967) Elgoibarren, Aita Agirre kulturgunean. Elgoibarko Izarra Euskaltzaleon Topaguneak eta Elgoibarko Udalak antolatu zuten hitzaldia, elkarlanean, eta tesi-lanean jaso duenaren laburpena egin zuen Iurrebasok areto bete jenderen aurrean. ‘Euskararen egoera gaur. Zer diote datuek?’ izenburua eman zion hitzaldiari.